Love story mai toh aksar bichadna likha rehta hai, kuch log hi hai jo pyar se mil pate hai.. Vaise jab logo ki feelings log samjhna band krdete hai toh who wo chij krk btate hai jo unko behad pasand hai.. jyese kisi ko gana gana pasand ho toh who gane mai apni feelings btaega, kisi ko videos bnana pasand ho toh vo video mai btaega, vaise hi mera hai chlo aaj aek kahani likh hi dete hai…

Toh baat us zamane ki hai jisme hum jee rahe hai. aajkal sab kuch online ho gaya hai, chahe samaan kharidna ho, bechna ho, kisi se baat krna ho, kisi ko dkhna ho… aur haann! Ya pyar krna ho…

Aajkal sab kuch online ho chukka hai, log advance hote ja rahe hai, feelings ab seematti ja rahi hai, aur log online ghuste chale ja rahe hai..

Mai jaha rehta wha ke logo ko online duna ke bare mai pta hi nahi tha, unko toh lagta yeh log time waste kar rahe hai.. darasal 80% kar bhi rahe hai.. lekin samay ke sath chalna jo tha mujhe bhi man kiya ki aek touch wala phone lu, jisme Facebook, Instagram aur sab kuch chalta ho.. lekin sochne ke paise thodi lagte hai wo toh kharidne ke lagte hai..

Jab maan bna liya that oh bas ap kuch mahine mehnat krni thi fir jake koi sasta sa mobile kharid sakunga.. maine jagah jagah kaam krna shuru kr diya aur job hi paise milte usme se kuch paise phone kharidne ke liye bacha leta.. Roj raat ko chat pe chadar bicha kar sona aur aasmaan ko dekhna.. sukoon bhot milta tha lekin mera maan toh phone mai aa chukka tha, toh bas ankh khol ke rat se subhe kab hojati thi pta hi ni chalta tha..

Kuch mahine kaam krne ke baad mai mobile ki shop pe gaya aur wha jake pucha ki acha smartphone dikhayo jisme facebook, wghra sab chalta ho..?? Dukandar nai pucha kitne tak ka chahye?? Maine jeb mai haath dala aur paise nikal ke ginne laga, 10, 20, 50, 100, 200, 500 ke note.. aur fir bola mere pas 5000 hai itne tak ka dikhao? Dukandar nai mujhe bola itne tak ka phone toh aa jayega lekin uski guarantee nai kitne din chlega, dedu? Maine pucha fir kitne tak ka acha phone milega? Dukandar bola kamsekam 8000 tak ka milega… lekin mere pas itne paise nahi the, toh maine bola chlo fir 2-3 mahine baad aa jaunga koi baat nahi.. fir mai jane laga.. dukandaar nai mujhe roka aur bola, suno, tumko phone chahye? Maine kha chahiye toh lekin! Dukandar bola lekin kuch nahi tum pass ke ghar pe hi rehte ho mai tumhe roj dkhta hun subhe jate ho kaam pe aur sham ko aate ho, agar chahye toh le ja sakte ho lekin paise pure dene honge?? Mai bhot khush hua aur kha han dedo mai apko pakka 2-3 mahine mai baki paise dedunga… Chlo ab naya phone bhi aagaya….

 

Us raat mai bhaga bhaga ghar aaya aur chat pe chadar bicha kar phone ko dkhke muskuraya, mera dhyan phone pe hi tha aur upar se tare tim tima rahe the jyese bol rahe ho ab toh khush ho na! ab jyese tese phone ko chlana seekha, youtube par bhot si cheeje dkhi, bhot se naye dost bnaye, aur apne ghar ke pass ki photos mai aksar facebook par dalta tha, lekin kabhi apni photos nahi dali..

Mai jo nature ki photos kheechta tha who log bhot pasand krte the, un photos ko dekh kar log aksar puchte the ki konsi jagah hai, mujhe toh bhot sharam aati thi humara gao toh hills pe aek chota sa hai, toh mai kuch reply nahi krta tha.. photo dalte dalte fir aek din mujeh aek ladki ki request aai.. mai usko janta toh nahi tha lekin maine accept krli, naye dost bnenge toh kuch jaroor seekhne ko milega.. Fir agle din mai kaam pe jaa hi raha tha ki us ladki ka msg aaya, hi, kyese ho?,  maine notification dkha toh us ladki ka.. maine socha isko sham ko ghar aake krunga aaram se baat… fir mai kaam pe chla gaya.. sham ko ghar aate aate maine apne area ki pic kheechi jha baadal zameen par aa chuke the aur barish ka mausam tha, usko dekh kar aesa lag raha tha mano badalo pe chal rahe ho…  fir maine ratko apni chat pe aakar leta aur us ladki ko msg kiya, mai thik hun magar ap kon maine pehchana nahi? Mere msg krte hi uska msg aagya, hi, mai apki bhot badi fan hun, aur jo apne abhi ki photo dali hai itni beautiful hai mera toh dil kr raha apke yha aane ka, viase konsi jagah hai ye? Maine socha btau ki nahi, fir usko maine bta hi diya.. usne kha yeh toh hills par hai? bhot hi sundar jagah hai.. maien bola han hum toh yahi rehte hai aur yha se bhar jana hi nahi hua kabhi humara, shayad pura india hi aesa hoga? Wo ladki boli, bilkul nahi, yha ki cities mai toh itna pollution hai ki yha sans lena mushkil ho jata hai, magar apki jagah dkh ke aesa lagta hai jyese swarg ho.. maine kha acha, thank you. fir humari roj dheere dheere thodi bhot baat ho jati thi..

Mujhe ab maza aane laga tha ki chalo koi toh pasand krta hai humari jagah ko, fir mai roj sundar sundar pics click krk dalne laga aur roj us ladki ko bhejta tha.. roj ratko aasman ke niche let kar yahi sochta tha ki kab who online aega kab baat hogi.. fir use thodi der baat ho jati thi fir mai aaram se sojata tha.. fir aek din maine use pucha tum kha rehte ho? Usne bola mai apse 200km dur is jagah pe rehti hun.. fir maine pucha, ki ap kya krte ho?? Usne mujhe kha mai college mai phadti hun aur last year hai.. aur tum? maine kha, mai toh local area mai job krta hun, lekin mujhe aek writer banna hai magar sapna hai chodo.. usne kha yeh toh bhot achi baat hai, aek din jaroor bnoge.. fir usne kha suno Whatsapp chlate ho? Ab mujh jyese ko yeh nahi pta Whatsapp kya hota hai, maine bol diya kabhi kabhi chlata hun, vaise company pass mai hai toh paidal hi jata hun aksar.. who zor zor se hasi aur bolo are pagal yeh aek app hai jyese facebook hai.. hahaha aur haste huye boli agli bar mujhe bhi bithana piche.. chlo bye gdnyt..

Us raat maine youtube pe search kiya Whatsapp kyese chlaye? Fir jake samjh aaya mai kitna bewkoof hun.. chko koi ni fir us raat maine Whatsapp download kiya aur usme apna account bnaya aur apne place ki beautiful pic share krii.. fir agle din maine jab work se wapas aaya toh maine usko msg kiya kya kr rahe ho? Suno mujhe Whatsapp chlana aagaya.. who zor zor se hasne lagi, boli jyada tez mat chlana khi gir jao.. mai bhi haske bola acha ab whatsapp pe bat kre? Who boli han lo no. +9188120*****(Tum log kya dkh rahe no dhyan se?? no nahi milega, chup chap story padho bas). Fir maine usko add kra aur msg bheja.. wo boli wow kitni beautiful dp hai? apki jagah mujhe bhot pasand aai sachme yeh jagah mujhe aana hai.. maine bol diya aa jana jab aana chaho.. who boli thik hai fir kal aati hun… maine bola kal??? Who boli aree majak kr rahi hun tum toh dar jate hoo… maine kha nahi nahi aesi bat nahi hai aa jana.. fir who boli suno apne apni pic nahi dikhai,  ap kyese dikhte ho jara dikhao toh?? Maine kha mere phone pe meri aek bhi pic nahi hai.. who boli toh click krk bhej do. mujhe sharam aa rahi thi.. itne mai who boli sharam toh nahi aarahai.. maine kha nahi nahi deta hun abhi ruko mummy bula rahi hai.. fir mai bhaga bhaga bathroom mai gaya, muh dhoya, bal set kre, ache kapde pehne aur chap pe jake baith gaya aur usko pic click kr bheji… usne pic dkhi aur mujhe audio bheji jot hi “suno tum toh bhot smart ho par, fir jor jor se hasne lagi..), maine pucha kya hua achi nahi h kya pic?? Bolo bolo? Who hasti rahi..aur boli kal btaungi chlo so jao aur so gai.. who toh so gai, magar mai?? Kya mai so pata? Mai yahi sochta raha ki yar ye hasi q? shakal toh thik hai meri? Kapde bhi sabse ache pehne the? Fir kyu? Puri raat yeh sochne mai nikal gai..

Agle din fir maine usko subhe good morning bola aur pucha q hase the? Who boli are abhi work pe dhyan do sham ko btati hun.. fir mai kaam pe chla gaya.. din bhar wha yai sochta raha ki ye hasi kyu? Bas fir sochte sochte sham hogai.. maine khana bhi ni khaya aur phone lekar chat pe chala gaya.. fir usko msg kiya chlo ab bolo kyu hase the? Usne kha call kru? Maine kha chlo thik hai kro. Fir usne call kri, maine call uthate hi pucha kyu hase the? Who boli aree na hi na kuch sidha kyu hasi?? Mai bola ohh sorry! Hi, kyese ho? Who fir aur zor zor se hasne lagi.. boli tum bilkul bache jyese ho.. mai Sharmane laga.. fir usne kha ki suno ab dhyan se.. dkho dikhte toh tum bhot smart ho lekin yeh btao rat ko aese kon taiay hoke pic bhjta hai jyese party mai jare ho? Fir who aur mai dono hasne lage.. maien kha achaa who toh bas pehli bar bhji toh.. who haste hue boli aree mujhe bhot hasi aai ki yar banda thaka hua aaya aur ratme 15 min taiyar hoke pic bheji.. khair meri pagalpanti pe toh hasna hi tha. Fir bat bat pe maine pucha, suno tum college nahi jate? Usne bola nahi abhi 3 mahine ki holidays hai toh mai ghar pe hun.. maine kha acha chlo sahi h enjoy kro.. fir usne pucha tumhari age kya hai? maine kha meri toh 24 complete ho chuki hai, aur apki? Who boli meri bhi 26 hi hai.. maine kha 26? Ap toh bade lagte ho? Who gussa hoke boli? Badi? Kya khan chahte ho? Mai badi lagti hun? Maine kha nahi aesa nahi hai majak kr raha tha.. fir bas kuch baat krk hum log so gye..

Viase toh raatko nind aati nahi thi magar us raat meri palak tak na jhapki.. uske bare mai hi sochta raha, ki shakal aur umar mai kya rakha hai.. acha dost mila hai kyu jane dun.. fir kuch din baat krte krte hum log roj aek udsre ko apni baate btane lage.. mai use puchta tha ap shadi kab kr rahe ho? Who majak ma ital deti ki tum aajao aaj hi kr leti hun.. baat krte krte 3 mahine ho chuke the.. fir usne aek din bola ki suno mera kalse college lagne wala hai toh ab shayad baat na ho.. maien bola kyu? Thoda time toh nikal askte ho? Who boli, yaar college work bhot rehta hai fir coaching and ol.. maine kha han samjh sakta hun chlo jab bhi free jo ap baat kr liya krna.. usne bola tum mujhe miss nahi kroge? Aur piche se uski sisters boli didi toh apko bhot miss kregi.. fir mai bhi smile krk bola han krunga toh lekin apki padhai jaroori hai..

Agle din maine usko good morning bheja toh msg hi deliver nahi hua.. pure din wait krta raha kab msg jaega, din se raat hogai lekin msg nahi gaya.. fir maine 2.4 din bad fir kiya lekin msg hi deliver nahi hua.. mujhe ajjeb sa lagne laga ki ptani kya ho gaya, thik toh hai wo? Lekin mai kuch nahi kr sakta tha.. fir usko fb pe msg kiya lekin who us din se online hi nahi aai thi.. chinta toh hoti hi hai aachanak se jisse 3 mahine se baat ho rahi ho aur who aekdum se gayab ho jaye.. fir baas roj yahi kaam rehta subhe kaam pe ratko phone lekar bas uske account ko dkhta rehta.. aese krte krte saal beet gaya lekin who online nahi aai.. maine bhi ab umeed rakhni chod di thi bas roj ratko usko yaad jaroor krta tha aur roj facebook pe aek photo jaroor dalta tha.. fir achanak se uska msg aaya aek din.. hello, mujhe pehchana? Maine jhatke se phone uthaya aur usko msg kiya aur uski call aagai ki Kyese ho tum? Maine use bhi yahi pucha kyese ho tum aur thik toh ho? Kamsekam aek msg toh kr dete? Wo boli are baba mai thik hun ap btao kyese ho aur mujhe miss kiya..? mai emotional hogya aur dabi aawaz mai bola bilkul nahi, jiska aesa dost ho jo aekdum se cha jaye usko kon miss krega. Wo haske boli aree baba naraj ho chalo kaan pakad ke sorry.. fir boli tumne itni sari pics upload kri hai who dekhungi ab aram se.. maine bola hogya college complete? Who boli han hogya. Maine pucha ab kya kroge? Usne kha aage ki chodo ye btao tum thik ho? Maine kha han thik hun bas roj intazar rehta tha ki kab aoge. Usne kha chlo ab aa gai hun ab bate krenge.. fir use roj baate hone lagi thi, jab bhi free hote aek dusre ko call krte.. who bar bar bolti thi ki mai aungi apke yaha ghumaoge mujhe? Mai kehta han bilkul apko ghumaunga aa jana.. Dheere dheere itne close ho chuke the ki subhe kya khaya se ratko sone tak baat hoti thi. Bat hote hote fir 2-3 mahine ho gaye the.. fir usne aek din achanak pucha ki suno mai tumhare yaha ghumne aau? Maine kha majak kr rahe ho na? usne kha nahi! Maine kha han aajao jab bhi aana ho. Usne kha thik hai jaldi hi tumhe surprise dungi.. kuch din beet jane ke baad jab maine usko msg kiya fir uske msg deliver nahi hone lage.. aek din hogya 2 din 4 din 10 din 20 din 2 mahine.. is bar mujhe aur fikr hone lagi ki yeh milne ko bhi keh rahi thi, ptanahi kha chali gai.. roj uska wait krta shayad ab aakr msg kre lekin uska koi msg tak nahi aata.. fir 2-3 mahine beet jane ke baad maine decide kiya ki isse milke aata hun.. maine facebook pak iska address dkha, baki usne btaya tha ki mummy papa yha rehte hai.. aek andaza tha aur usi bharose uske sheher chle gaya…

 

Bhot din dhunda, uski pics wali sabhi jagah gaya lekin uska koi pta nahi chla, na uska phone khula tha.. bhot dhundne ke baad fir aek din maine uske facebook par aek pic dkhi jo aek famous jagah thi, maine kisi se pucah yeh konsi jagah hai aur us jagah chle gaya.. wha jane ke baad maine logo se puchna shuru kiya ki is ladki ko jante ho toh faki time baad aek uncle ne btaya ki yeh humare ghar ke pass unki beti hai.. (chlo kisi trah uska pta toh chla) ab bas dil mai khushi thi ki chlo use pehli bar mil raha hun, lekin narazgi bhi thi ki isne bina kuch bole baat band krdi..

Fir mai uske ghar ke pass aaya aur bell bajai.. bell bajate hi uski mummy bhar aai aur maine uska naam leke pucha ki who gharpe hai kya?  Toh uski mummy nai pucha apk on ho? Maine fir unko uski pic dikhai aur bola hum bhot ache friends hai lekin kafi time se baat nahi hui humari.. uski mummy nai kha andar aajao.. fir mai andar aaya tab uski mummy boli ki “uski toh 3 saal pehle shadi ho chuki hai aur wo chutiyo mai aati hai ghar 2-3 mahine ko fir wo apne sasural mai hi rehti hai, fir unhone musse pucha tumko nahi pta shadi ka uski?” Yeh sune meri toh aankh bhar aai bas kisi trah apne ko kaabo mai karke has ke bola pta toh tha lekin mujhe laga who aai hogi idhar toh mil leta hun.. fir mummy ne kha dur se aaye honge khana wghra kha lo, rest krlo. Maine kha nahi mujhe urgent hi jana hai aur wha se chla gaya……

Pure raste mai sochta raha, yeh nahi pta kya sochta raha bas dimag mai aesa chal raha tha ki mano kuch toota ho jiski aawaz sirf mujhe hi sunai di ho.. Mera maan bas yeh sochne mai laga tha ki aesa kyu kiya usne? Kyu itna bada jhoot bola? Meri kya galti thi? Aek dost hi samjha tha, shadi hogai thi toh kamsekam bta toh deti.. aur itna bada jhoot ki college mai phadti hai… bass ab aur kuch nahi chahye tha shayad kisi pe bharosa krne par aesa hi sabak milta hoga..  maine fir dheere dheere usko bhulana shuru kr diya, raatko phone ko aek side rakh deta tha aur aasmaan mai taro ko dekhta tha.. bhot sawaal the man me lekin puchu kisse, kon jawab dega? Kuch samjh nahi aa raha tha…

Fir saal bhar baad aek din mai raat mai phone side rakh kar aasman ko dekh raha tha aur itne mai uski call aai.. maine phone ko dekha sochta raha uthau ya nahi itne mai phone cut gaya.. fir usne dubara call kri aur maine utha li.. who boli naraz ho mujhse? Maine kha nahi kyese ho? Who boli mai achi hunt um kyese ho? Maine kha mai bhi acha hun… who boli kya baat gussa nahi aaya ki bina btaye chali gai? Maine kha han bolo kha gaye the? Fir who boli ki mujhe na aek job mil gayi thi toh mai uske liye bhar shift ho gait hi aur mere pas phone nahi tha.. Mai zor zor se hasne laga… toh wo boli kya hua? Kyu has rahe ho? Maine uske bête ka naam leke kha aur who thik hai? Uski aawaj aani band hogai fir dheere se boli kon h wo? Maine kha acha fir tumhari toh 3 saal pehle shadi bhi nahi hui? Fir who samjh gai ki isko sab pta chal chukka hai.. fir who boli are mai btane hi wali thi ki.. Maine kha kya? Bolo? Itne time se tumhe aek acha dost samjha, subhe sham tumare bare mai sochta tha, tum achanak se gayab ho jati thi fir bhi mai kuch nahi bolta tha ki chalo kaam hoga student ho magar?? Kyu bola jhut mere sath? Wo boli maine toh bas aek majak hi kiya tha tumhare sath sorry, mai tumhe sab btane wali thi lekin bta nahi pa rahi thi…. Aur hum sirf dost the toh itna toh chalta hai dosti mai konsa hum aek dusre ko dhangse jante the, na kabhi mile na dkha.. maine fir kha koi ni jane do chlo mai thaka hua hun mai so raha hun gdnyt..

Agle din Maine job se wapas aate waqt apne phone nikala aur tod ke nadi mai fek diya…

………………………..

2 saal baad,

Aek gadi humare ghar pe aake ruki, us gadi mai wo apne pati aur bache ke sath thi.. Who mere ghar pe gai toh wha koi nahi mila… fir usne mere room pe dkha, wha aek diary thi jisme humare bare mai likha tha, mujhe kya kya pasand hai sab kuch, humair shuru se akhri tak haar aek baat..  aur us din jab akhri baat hui thi, uske baad usne sirf itna likha tha..

“Dur rehkar bhi aek dusre pe bharosa hi tha jo din raat baate kiya krte the. Bharosa tod kar tumne mujhe bhi kho diya hai. Ab Mai sirf tumhe mehsoos krne par hi milunga..”

 

Wo har saal us jagah aati thi jo maine pics mai btai thi, aur mai usko har us jagah mehsoos hota tha..!

 

…………………………………..XXX………………………………..

(RB Forever)