“Zindagi Umeedo se judi hai, jha apki umeed khatam samjho zindagi khatam”

Kya apko uchai se dar lagta hia? Matlab bhot jyada uchi jagah? Ya fir kahi chadna ya fir barf wale parvat pe chadhna. Apko lagta hoga ki yeh bhot mushkil hai ki har koi baraf ka patvat nahi chad sakta lekin aesa possible hai agar apko apne par bharosa hai. Chalo aaj apko baraf ke patvato ki sair krwate hai jiska naam hai “K2” jo India ka sabse ucha Baraf ka patvat hai.

Yeh meri zindagi ki pehli chadhai thi jo sabse khatarnaak patvat pe yani K2 pe karne wala tha. Bhot se log isko Maut ka patvat bhi kehte hai qki isme jane wale toh hazaro hai lekin kuch log hi uchai tak pohoch pate hai ya mar jate hai ya wapas laut jate hai.

July ka mahina tha, aur hum log confuse the ki konse raste se jana thik rahega. Fir humne decide kiya aur bhagwan ka naam leke apna safar shuru kr diya. Humara safar KKH street se shuru hua aur humko Askole jana tha jo ki starting thi humari manzil tak pohochne ki. Rasta aasan tha aur humko wha base camp par jakar apna safar shuru krna tha. humare sath kuch ghode bhi the jo ki humara saman base camp tak pohochane mai madad kr rahe the. Hum logo ko bhot excitement thi aur thoda dar bhi tha.

Mere alawa wha 14 aur climbers the jo ki kafi josh mai the aur humne fir wha bhagwaan ki Pooja kari aur apni tracking ke liye nikal gaye. Humne Askole se apni track shuru kri aur dimag mai sirf aek hi baat thi job hi ho jaye humko rukna nahi hai. Humare pas bhot se jaruri saman the jyese ice screwsm rock pitons, countless carabineers, snow stakes aur achi quality ki rassi jo hume chadne mai madad krne wali hai. Iske alawa humare pas Bamboo stakes the jo hume camp lagane mai madad krne wale the.

Humare sath jo instructors the unhone bhi saaf bol diya tha agar koi bhi tum me se ruk jaye toh tumhe mud ke nahi dekhna hai aur chalte jana hai. Roj ki trah dheemi dheemi baraf bhi pad rahi thi aur humko barfeele tufan aane ka khatra bhi tha. Magar humko apni jaan ki na padi thi qki humko duniya ke sabse khatarnak patvat pe jo chadna tha.

Khair humko camp 2 dikhne laga tha aur man mai khushi ho rahi thi ki bhot asani se hum yha tak pohochne wale hai. Upar pohochne ke baad humne jo piche baki sathi aa rahe the unka wait krne lage aur unka hausla bhadane lage ki bas thoda sa hi bacha hai. Barfili hawaye tez hone lagi thi aur humare instructors nai humko bola ki ap log camp ke andar chle jao kabhi bhi tufaan ya baraf gir sakti hai. hum log camp pe jake bas un logo ka wait kr rahe the aur aek dusre se baate kr rhe the ki ye trek itni bhi mushkil nahi thi aur sath mai faki maza bhi aaya.

12 log camp tak pohoch chuke the lekin 3 log abhi bhi baki the aur hum log unke aane ka wait hi kr rhe the ki itne mai baraf ka tufaan aagaya aur dher sari baraf niche girne lagi. Hum log umeed lagaye baithe the ki ye log sahi salamt aa jaye aur fir humko aek aata hua dikha jo faki khush tha magar upar se dher sari baraf giri jo usko apne sath niche le gai.

Yeh dekh kar hum log kuch bol nahi paye aur bas wahi sochte rahe ki kyese humara sathi baraf ke saath chla gaya..  Puri raat hum aek dusre ka hath pakad kar bhagwan se pray krte rahe hi unki raksha krna magar un bharfili hawao nai dar ka mahol bana rakha tha.

Agle din hum 12 jano me se kisi mai bhi himmat nahi hui ki aage bhad sake aur sabhi ke man mai bas yahi tha ki bas sahi salamat ghar chale jate hai. humare instructors hum logo ki baate sun kar has rahe the aur bole ghar jane se acha hai hum yhi mar jaye, agar tum log wapas chale gaye toh puri zindagi apne ap ko looser hi samjhoge aur shayad yeh soch ke khushi khushi jee bhi nahi paoge.Unki bate sunke humko laga ki shayad hum looser banne se acha toh hero banna hai.

Fir 12 mai se sirf 8 jane upar jane ko taiyar huye aur baki 4 jano nai decide kr liya tha ki unko ghar wapas jana hai. Ab hum sirf 8 jane the jo ki soch chuke the kuch bhi hojaye lekin upar tak jaa kar hi raehnge. Ab humara agla target camp 3 tha jo ki 7550M tha aur hume 850M ka safar krna tha. Humari agli chadhai shuru ho chuki thi aur aas pas bhot se climbers ki dead body bhi padi thi jinhe dekh kar hume thoda dar bhi lag raha tha magar humne soch liya tha ab upar jana hi hai.

Jyese jyese hum log upar ja rahe the hume saas lene mai bhot takleef ho rahi thi. Aesa lag raha tha jyese tbet khrab hone wali ho. Hum me se aek jane nai toh upar jane se mana kr diya tha aur wo bhi ghar ko wapas lotne laga tha. Humari aesi halat ho rahi thi ki humara dhyan kisi aur ki taraf ja hi nahi raha tha. Wha ki barfeeli hawa kafi pareshani daal rahi thi aur wha ka temperature -25’C tha jo ki kafi thanda tha.

Kisi trah hum log camp 3 tak pohoch chuke the aur wha pohoch kar humko faki acha mehsoos ho raha tha. Bhookh bhi bhot lag rahi thi toh hum log bas wait kr rahe the kii kab khane ko milega. Hum log aek dusre ka hausla bhada rahe the aur yakeen dila rahe the ki hum 7 log sath sath k2 tak pohchenge.

 

Agle din hum logo nai Camp 4 tak jane ka plan bnaya jo ki 7980M ki uchai par tha. Hum loh 7550M tak toh pohoch gaye the lekin yeh wali trach kafi mushkil hone wali thi. Is point ko k2 ka shoulder bhi bola jata hai aur wha barf ke toofan aane ka khatra bhot bhad gaya tha. Hum apne plan ke hisab se camp 4 ki taraf bhadne lage. Jyese hi hum aage bhadne lage humare 2 sathi ki tbet bhot kharab hone lagi aur unhone umeed chod di thi ki who log aage bhi ja paenge. Humne unko rukne ko kaha aur hum 5 log apne instructors ke sath aage bhadne lage.

Hum logo ko apne par garv ho raha tha ki hum itni uchai par chadne wale hai aur humare sathi huasla bhadane ke liye gaane bhi gaa rahe the. Kafii aage chalne ke baad humare instructors nai humko piche laut jane ko kaha qki bhot jaldi toofan aane wala tha. Hum log bas pohochne hi wale the islye hum 3 jano nai aage bhadne ka faisla liya aur 2 sathi nai wapas camp 3 ko jane ka. Hum log dheere dheere himmat krk upar tak pohoch gaye aur tabhi aachanak tufaan aane laga. Hum log camp ke aandar ja chuke the aur bhot sari baraf ko girte dekh rahe the. Humare man mai yahi tha ki humare sathio aur instructor’s ka kya hoga? Kya wo bach paenge? Hum 3 jane puri raat bas un logo ke bare mai sochte rahe aur unse contact krne ki koshish bhi kri lekin kisi se contact nahi ho pa raha tha.

 

Humko khushi bhi thi ki hum k2 ke shoulder tak pohoch chuke the magar dukh bhi tha ki humare sathi sahi salamat honge bhi ya nahi. Hum puri raat koshish krte rahe ki contact ho jaye magar fir subhe 3 baje base camp par contact hua aur humko pta chla camp 3 se koi jawab nahi aaya hai aur hum logo ko bhi wapas aane ka order diya.

Hum log yeh jaan chuke the ki ab hum 3 hi yha bache hue hai aur hum apni manzil se bas kuch duri par hi hai aur agar ab wapas hogye toh looser kehlaenge.. islye hum 3no ne decide kiya ki hum log upar jaenge apni manzil tak. Hum logo nai parvat ke bhagwan se prarthna kari ki humari rakhsa krna aur humko parvato ki uchai tak pohcha dena.

Agle din hum log apne plan ke according chalne lage. Chalte chalte mere sharir nai jawab de diya tha aur saans lene mai bhi bhot takleef ho rahi thi.. humko nahi pta tha yeh safar kyesa hoga, hum bach bhi paenge ya nahi.. aage kya hone wala hai kisi koi koi andaza nahi tha.. Wha hume dusre patvat par k2 ke upar ki parchai dikh rahi thi jise dkh kar hume aage bhadne ki himmat mil rahi thi.

Dheere Dheere chadhai aur mushkil ho rahi thi mai sabse aage tha aur mere piche 2 sathi the.. hum mai se kisi mai aage bhadne ki himmat nahi thi magar hum kisi trah chadhe ja rahe the.. fir itne mai mujhe piche se aawaz aati hai jyese kuch gir raha ho aur mai jab mud kar dekhta hun toh humara last sathi jiske hath se rassi chut chuki thi aur bhot tezi se niche gir raha hai.. usko girta hua dkh humari himmat toot chuki thi aur hume nahi pta tha ki ab hum aage jaa bhi paenge ya nahi…

Upar dekhne mai aesa lag raha tha jyese hum apni manzil se 100M hi dur ho magar sharir mai itni himmar nahi thi  ki aek bhi kadam aage bhada sake.  Kisi trah hum dheere dheere aek dusre ko sahar dekar aage bhad rahe the. Ab safar sirf 50m hi bacha tha lekin humare sharir nai jawab de diya tha.

Mai samjh chukka tha ab or upar nahi ja paunga. Maine apni jeb se flag nikala aur apne sathi ko dediya ki ab mai aage nahi bhad sakta ab tumko hi jana hoga.. usne mujhe aage bhadne ko bola magar mera sharir jawab de chukka tha.. mai puri takat se rassi ko pakad kar aek taraf sar krk latka hua tha aur soch rha tha ki pta nahi ab kab yeh haath chut jaega.. mujhe apne bachpan ke din yaad aa rhe the, apni family apne dost yaad aa rahe the aur lagne laga tha ki ab shayad mera aant aa chukka hai. fir meri dheere dheere ankhe band hone lagi aur mai bas apne pariwar ke bare mai hi soch rha tha ki itne mai upar se mere sathi ka shoes mere sar pe gira aur meri halki si aankh khul gai..

Fir mujhe wha koi dhundla dhundla sa nazar aane laga jo mujhe keh raha tha ki.. “ Yha aane ke liye bhot si jaane jaa chuki hai, lekin tum pehle ho jo apni himmat harne ke baad bhi ab tak bache hue ho, shayad tumhare mai aur himmat hai, Khudpe bharosa karo tum kr sakte ho.”  Wo aawaz mere kaano pe gunj rahi thi maano mera hausla bhada rahi ho.. aur mere kadam dheere dheere aage bhad rahe the.. chadhte cahdte pta hi ni chala ki yeh safar kab khatam ho gaya.. upar chadte hi maine dekha ki mera sathi haath mai jhanda liye hue hai wo apni saanse kho chukka hai.. uska safar manzil pe aakar hi khatam hua..

 

Wha mere sath koi nahi tha jisse mai khushiya baat saku, jisko mai bta saku ki mai apni life ka hero ban chukka hun.. Wha ki hawaye ab pyari lagne lagi thi aur suraj ki kirne umeed jaga rahi thi jyese mai yeh baar baar kar sakta hun.. Uchai se patvat itne sundar lag rahe the ki jyese jannat pohoch chuke ho.. aur sar ke pass badal aese mandra rahe the jyese mai inpe baith ke udd sakta hun.. Mujhe wha pohoch ke khushi bhi ho rahi thi aur dukh bhi ho raha tha apna sathio ka.. maine wha fir apna jhanda lagaya aur khoob sari photos bhi li jinhe dekh kar mujhe lagta hai jyese mai aaj bhi k2 ki uchai mai baitha hun.. aur aek sawaal maan mai aata hai ki wo aawaj kaun thi jisne mera hausla bhadaya?

(RB Forever)